God And Love - خدا اور محبت

God and Love is the English translation of Hashim Nadeem’s renowned Urdu novel Khuda Aur Muhabbat. The book explores the transformative journey of human passion, tracing how intense earthly devotion can evolve into divine love and spiritual awakening.

’خدا اور محبت‘ ہاشم ندیم کا وہ شاہکار ناول ہے جس نے نہ صرف اردو ادب میں مقبولیت کا ایک نیا باب رقم کیا بلکہ اس پر بننے والے ڈراموں نے بھی کامیابی کے ریکارڈ قائم کیے۔ یہ ناول طبقاتی فرق، طبقاتی غرور اور عشقِ حقیقی کے ملاپ کی ایک سحر انگیز داستان ہے۔

کہانی کے اہم کردار ’حماد‘ اور ’ماہی‘ ہیں۔ حماد ایک انتہائی امیر اور بااثر خاندان کا لاپروا نوجوان ہے، جبکہ ماہی ایک مذہبی اور روایت پسند خاندان سے تعلق رکھتی ہے۔ حماد کو پہلی ہی نظر میں ماہی سے شدید محبت ہو جاتی ہے۔ اس محبت کی خاطر حماد اپنا شاہانہ گھر بار، عیش و آرام اور خاندان چھوڑ کر مفلسی اور درویشی کی زندگی اختیار کر لیتا ہے۔ محبت کا یہ جنون حماد کو مسجد اور درگاہ کی چوکٹ تک لے جاتا ہے، جہاں اس کی ذات کا غرور ٹوٹتا ہے اور وہ خدا کی محبت سے آشنا ہوتا ہے۔ یہ کہانی ثابت کرتی ہے کہ سچی محبت انسان کے اندر کے تکبر کو ختم کر کے اسے عاجزی اور بندگی سکھاتی ہے۔